![AD[A]PT](http://images.squarespace-cdn.com/content/v1/6878db5c50da114a133a8ed9/21d8d663-f9d3-4666-84a8-f789167166c9/FINAL_ADAPT+final+logo+white+background+copy+copy.png?format=1500w)
Sut i ymgeisio
Bydd y broses gystadleuol ar gyfer ceisiadau am ysgoloriaethau AD[A]PT yn dechrau ym mis Rhagfyr 2025 ar gyfer cychwyn y rhaglen PhD yn un o'n prifysgolion lletyol ym mis Hydref 2026.
Mae pob ysgoloriaeth wedi'i hariannu'n llawn am dair blynedd a chwe mis, hyd at uchafswm o bedair blynedd, o astudio amser llawn. Mae'r costau a gwmpesir yn cynnwys lwfans ar gyfraddau talu UKRI, a ffioedd ymchwil ôl-raddedig myfyrwyr cartref sefydliadol. Mae croeso i fyfyrwyr rhyngwladol a myfyrwyr cartref wneud cais, ond nodwch ein bod wedi ein cyfyngu oherwydd rheolau ariannu’r AHRC i ddyfarnu hyd at 30% yn unig o'r holl ysgoloriaethau ymchwil i ymgeiswyr rhyngwladol, a bydd yn rhaid i fyfyrwyr rhyngwladol ddod o hyd i'r cyllid ychwanegol sydd ei angen arnynt eu hunain i dalu'r cyfraddau ffioedd ymchwil ôl-raddedig a gymhwysir i fyfyrwyr rhyngwladol. Bydd rhai ysgoloriaethau ymchwil yn cynnwys lleoliad Dyfarniad Doethurol Cydweithredol gydag un o'n Partneriaid Grŵp Llywio, sy'n cynnwys ychwanegiad blynyddol at yr ysgoloriaeth ymchwil.
Bydd ein rhaglen yn hysbysebu am gyfanswm o 20 o ysgoloriaethau gyda derbyniadau newydd yn digwydd dros bedair blynedd, gan ddechrau ym mis Hydref 2026.
Caiff:
chwe ysgoloriaeth ymchwil eu dyfarnu yn y garfan gyntaf (yn dechrau 1 Hydref 2026)
chwe ysgoloriaeth ymchwil eu dyfarnu yn yr ail garfan (yn dechrau 1 Hydref 2027)
pedair ysgoloriaeth ymchwil eu dyfarnu yn y drydedd garfan (yn dechrau 1 Hydref 2028)
pedair ysgoloriaeth ymchwil eu dyfarnu yn y bedwaredd garfan (yn dechrau 1 Hydref 2029)
Mae manylion ar sut i wneud cais i'w gweld isod a thrwy lawrlwytho'r ddogfen Galwad am Gynigion a Manylion Dyfarniadau AD[A]PT 2026-27 i gael gwybod mwy.
Sgroliwch i lawr i gyrraedd y dogfennau cais y bydd eu hangen arnoch.
Mae recriwtio ar gyfer y garfan gyntaf o ysgoloriaethau ymchwil Dyfarniad Ffocal Doethurol AD[A]PT a ariennir gan yr AHRC bellach ar agor
Rydym yn gwahodd cynigion gan ddarpar ymgeiswyr sy'n dymuno astudio gyda ni ac yn croesawu ymgeiswyr o ystod amrywiol o gefndiroedd disgyblaethol, sgiliau a diddordebau ymchwil.
Gallwch wneud cais drwy naill ai:
a) datblygu eich cynnig pwnc ymchwil eich hun sy'n mynd i'r afael â themâu a blaenoriaethau ein galwadau, a amlinellir yn nogfen Galwad am Gynigion AD[A]PT, neu
b) ymateb i friff ymchwil gosod sydd wedi'i ddatblygu gan y tîm academaidd gyda mewnbwn ac adborth gan ein 13 sefydliad partner.
Dim ond un cais y gallwch ei wneud i'r rhaglen
felly pan fyddwch chi'n gwneud cais mae angen i chi ddewis y sefydliad rydych chi am astudio ynddo a gwneud cais yno.
Dim ond ar ôl darllen dogfen Galw am Gynigion AD[A]PT y dylech wneud eich dewis, gan fod pob sefydliad yn cyflwyno gwahanol friffiau ymchwil a chyfleoedd Dyfarniad Doethurol Cydweithredol tebygol, fel yr amlinellir yn y ddogfen honno.
Dyfernir cyfanswm o chwe ysgoloriaeth yn y garfan gyntaf ar gyfer dyddiad cychwyn o 1 Hydref 2026:
Dwy ysgoloriaeth ym Mhrifysgol Oxford Brookes: un yn yr Ysgol Bensaernïaeth, ac un yn yr Ysgol Amgylchedd Adeiledig
Dwy ysgoloriaeth wedi'u lleoli yn Ysgol Pensaernïaeth Cymru Prifysgol Caerdydd
Dwy ysgoloriaeth wedi'u lleoli yn Ysgol Pensaernïaeth, Dylunio a Thu Mewn Prifysgol Falmouth.
Bydd rhai o'r ysgoloriaethau rydyn ni'n eu cynnig yn cael eu cefnogi gan Ddyfarniad Doethurol Cydweithredol, sy'n cynnwys cyd-oruchwyliaeth a lleoliad gydag un o'n Partneriaid Dyfarniad Doethurol Cydweithredol. Mae pynciau posibl y Dyfarniad Doethurol Cydweithredol wedi'u hamlinellu yn y ddogfen alwad.
I wneud cais, lawrlwythwch y ddwy ddogfen isod, llenwch nhw a'u cynnwys yn eich cais.
Rhaid i chi hefyd lenwi Ffurflen Monitro Cydraddoldeb, Amrywiaeth a Chynhwysiant.
Rhaid i'ch cais gynnwys y ddwy ddogfen, a rhaid i chi lenwi'r ffurflen Cydraddoldeb, Amrywiaeth a Chynhwysiant er mwyn cael eich ystyried ar gyfer yr ysgoloriaethau.
Amserlen ar gyfer ymgeiswyr
-
Bydd gennych dri mis i baratoi eich cais. Mae dwy weminar y gallwch fynychu i gael rhywfaint o arweiniad ac i ofyn cwestiynau i'r tîm AD[A]PT.
-
Bydd angen i chi gyflwyno eich gwaith papur cais erbyn y dyddiad hwn fan bellaf i gael eich ystyried ar gyfer y dyfarniadau ysgoloriaeth.
-
Bydd pob cais yn cael ei adolygu'n fewnol ym mhob sefydliad trwy broses dau gam er mwyn galluogi adolygiad dall o'r cynnig ymchwil ar ei ben ei hun ac er mwyn helpu i leihau'r siawns o ragfarn ddiarwybod.
-
Gall cyfweleion ofyn am addasiadau rhesymol. Bydd pob cyfwelai yn derbyn 1-2 gwestiwn penodol am eu cynnig y mae angen iddynt ymateb iddynt yn y cyfweliad; byddant hefyd yn cael rhestr o gwestiynau generig a all ffurfio rhan o'r cyfweliad i'w helpu i baratoi.
-
Bydd ymgeiswyr sydd wedi cyrraedd y rhestr fer yn cael gwybod erbyn diwedd mis Ebrill ynghylch dyddiad ac amser eu cyfweliad, a gynhelir ar-lein. Byddant yn cael rhestr o gwestiynau cyfweliad posibl a ofynnir i bob ymgeisydd, ochr yn ochr â chwestiwn a baratowyd gan arbenigwr pwnc a roddir iddynt ymlaen llaw er mwyn llunio ymateb.
-
Llythyrau cynnig diamod i'w cyhoeddi gan bob sefydliad.
-
Os cewch ddyfarniad, rhaid i chi fod ar gael i ddechrau yn bersonol yn eich sefydliad lletyol ar ddechrau'r dyfarniad.
Pethau i'ch helpu i wneud cais … yn gyntaf, darganfyddwch fwy am y prifysgolion a'r ysgolion lletyol y byddwch chi'n ymuno â nhw yma …
-
Ysgol Pensaernïaeth / Ysgol yr Amgylchedd Adeiledig, Prifysgol Oxford Brookes
Bydd yr Ysgol Bensaernïaeth ac Ysgol yr Amgylchedd Adeiledig yn cynnal ysgoloriaethau ymchwil. Rydym yn cynnig cymuned groesawgar, gynhwysol a chefnogol sy'n seiliedig ar ddiwylliannau stiwdio ac ymchwil o ansawdd uchel, wedi'u llunio gan ein hangerdd dros ddylunio, creu a llunio'r amgylchedd adeiledig mewn ffordd gymdeithasol gyfrifol.
-
Ysgol Pensaernïaeth Cymru, Prifysgol Caerdydd
A ninnau’n sefydliad sy'n arwain y byd ac sy'n pennu’r agenda, rydyn ni’n mynd ati i feithrin amgylchedd cydweithredol ar gyfer addysgu ac ymchwil. Rydyn ni’n frwd dros amrywiaeth a natur drawsddisgyblaethol pensaernïaeth, ac yn ceisio rhagoriaeth mewn addysg ac ymchwil ym meysydd dylunio, y celfyddydau, y dyniaethau a'r gwyddorau.
-
Ysgol Pensaernïaeth, Dylunio a’r Tu Mewn, Prifysgol Falmouth
Mae Ysgol Pensaernïaeth, Dylunio a’r Tu Mewn yn anelu at arwain mewn arloesedd dylunio sy'n seiliedig ar ymarfer, gan fynd i'r afael â heriau byd-eang trwy ddylunio sy'n canolbwyntio ar bobl, prosiectau cynaliadwy, a chymwysiadau creadigol o offer digidol uwch.
Mynd i weminar gwybodaeth …
-
Gweminar Gwybodaeth AD[A]PT ar gyfer darpar ymgeiswyr (trwy Zoom)
AR-LEIN drwy ZOOM (cofrestrwch i gael y ddolen)
DYDD MERCHER, 14 IONAWR 2026
12pm – 1.30pm Amser Haf Prydeinig
Yn y sesiwn gyflwyniadol hon, byddwch yn cael eich cyflwyno i'r cyfle, y broses ymgeisio, a rhai awgrymiadau gwych ar sut i baratoi eich dogfennau. Bydd cyfle ichi holi cwestiynau ar ddiwedd y sesiwn.
CLICIWCH AR Y BOTWM ISOD I GOFRESTRU EICH DIDDORDEB
> GWNEWCH YN SIŴR EICH BOD CHI'N GWNEUD HYNNY O LEIAF 24 AWR CYN Y SESIWN ER MWYN DERBYN Y DDOLEN I’R WEMINAR
-
Sesiwn Holi ac Ateb AD[A]PT ar gyfer Darpar Ymgeiswyr (trwy Zoom)
AR-LEIN drwy ZOOM (cofrestrwch i gael y ddolen)
DYDD MERCHER, 25 CHWEFROR 2026,
6pm-7pm Amser Haf Prydeinig
Yn y sesiwn olaf hon cyn y dyddiad cau ar gyfer cyflwyno, mae'r sesiwn hon yn rhoi cyfle pellach i ymgeiswyr ofyn cwestiynau i dîm academaidd AD[A]PT am y broses a'ch cynnig sy'n cael ei ddatblygu.
CLICIWCH AR Y BOTWM ISOD I GOFRESTRU EICH DIDDORDEB
> GWNEWCH YN SIŴR EICH BOD CHI'N GWNEUD HYNNY O LEIAF 24 AWR CYN Y SESIWN ER MWYN DERBYN Y DDOLEN I’R WEMINAR